Velkommen til Sykkylven kulturskule

Sykkylven kulturskule er ein kommunal kunstskule med musikk, dans, teater og visuell kunst.

Skulen vart oppretta i 1978 og  har i dag 13 lærarar og omlag 210 elevar.  Størsteparten av undervisninga er på Sykkylven kulturhus.

Skulen gir også tilbodet «Blås i skulen» til alle  3.klassingane i grunnskulen.

Vil du ha plass frå skulestart må du søke før 13.juni. (Utvida frist 20 juni p.g.a. tekniske feil)

Du kan søke plass gjennom heile skuleåret, og vi set deg på venteliste til det dukkar opp ein ledig elevplass.

» Gå til søknadsskjema

Sykkylven kulturskule vil vere eit ressurs- og kompetansesenter som fremjer skaparglede gjennom kunst og kultur. Kulturskulen skal gi opplæring av høg fagleg og pedagogisk kvalitet til alle born og unge som ynskjer det. Formålet med opplæringa er å lære, oppleve, skape og formidle kulturelle og kunstneriske uttrykk. Kulturskulen opererer i nært samarbeid med lokalt kulturliv, og er ein sentral del av den samanhengande utdanningslinja som kan kvalifisere elevar med særleg interesse og motivasjon til opptak i høgare kunstfagleg utdanning. Opplæringa skal gi barn og unge danning, fremje respekt for andre kulturar, bevisstgjere eigen identitet, bli kritisk reflekterande og utvikle eigen livskompetanse.

Våre tilbod

 

Musikk

Kulturskulen kan i dag gi tilbod om undervisning på desse instrumenta; Piano, Orgel, Keyboard, Gitar, Bass, Trommer , Fiolin, Bratsj, Fløyte, Klarinett, Saxofoner, Trompet, Althorn, Waldhorn, Trombone, Baryton, Tuba og Sang. Du kan også delta på "Musikalsk førskule" for 4-5 åringar. Som songelev kan du søke om eit tilleggsfag som vi kallar "Vokal Performance" der du får instruksjon i sceneopptreden og sette opp små syngespel. Kulturskulen gir i tillegg tilbod om "Samspel i band". Sjå dei ulike instrumenta ved å trykke HER og å følge lenka til Speedadmin. Nytt fag frå august er "Digital musikk", eller Musikkteknologi. Her får du hjelp til å lage din eigen musikk, arrangere og komponere låtar. Du treng å disponere ditt eige nettbrett med hesdset, og programvara "FLstudio"

» Meir informasjon
 

Korps

Kulturskulen har eit godt samarbeid med korpsa i kommunen, og tar seg av all begynneropplæring på korpsinstrument. Kulturskulen har også eit tilbod til alle 3.klasser i kommunen om *Blås i skulen* som er opplæring på fløyter, klarinett og trompet for heile klassa i skuletida. Her får ein også rytmetrening og litt kjennskap til notar og musikalske begrep. Etter denne opplæringa kan interesserte søke om aspirantopplæring i kulturskulen og seinare opptak i skulekorpset.

» Meir informasjon
 

Dans

Kulturskulen gir i dag tilbod om dans i desse sjangerane; Barnedans for 4- 5 åringar. Klassisk ballett frå 1.klasse Jazzdans frå 1.klasse HipHop/Street frå 1.klasse Vaksendans Folkedans

» Meir informasjon
 

Teater

Kulturskulen gir opplæring i drama og scenekunst med tips og trening i å te seg på ei scene. Saman med andre kan du vere med på små teateroppsettingar og musikalar.

» Meir informasjon
 

Visuell kunst

Vi tilbyr opplæring i ulike kunstuttrykk som t.d. teikning, maling, modellering og handarbeid og har aldersdelte grupper. Du får delta på utstillingar og vere med på dekorering (lage kulisser )ved teateroppsettingar.

» Meir informasjon
 

Skapande skriving

Om interessa er stor nok for faget, vil vi starte med undervisning i skapande skriving.

» Meir informasjon
 

Digital musikk / Musikkteknologi

Frå hausten kan du få prøve deg som komponist og arrankør av dine eigne låtar i vårt nye tilbod MUSIKKTEKNOLOGI. Lærar Håkon Knudsen vil lære deg å bruke programmet FLstudio, og gi dine låtidèar eit arrangement, rytme og form. Du må disponere eige nettbrett eller PC med headset og ha tilgang på programmet FLstudio. (Går til både Mac og Android) Undervisninga foregår i grupper 45 minutt kvar veke.

» Meir informasjon

Nyheiter

Nye tilbod frå hausten 2022.

7. mai 2021

Frå hausten kan du få prøve deg som komponist og arrankør av dine eigne låtar i vårt nye tilbod MUSIKKTEKNOLOGI. Lærar Håkon Knudsen vil lære deg å bruke programmet FLstudio, og gi dine låtidèar eit arrangement, rytme og form. Du må disponere eige nettbrett med headset og ha tilgang på programmet FLstudio.

Vi vil også gi dei yngre barna på 4 og 5 år eit tilbod om musikkleik saman med songlærar Beate B.Kvalsvik. Her får borna synge, danse og trene opp rytme og musikalitet.

Du som er vaksen og saknar eit dansetilbod har no sjansen i vårt nye tilbod Voksendans. Her vil Nadhira og Rodrigue variere mellom dansestilane og gi deg både dansetrening og ein triveleg måte å kome i form på.

For deg som har eit tilbod i kulturskulen har vi PÅBYGGINGSFAG som betyr at songelevar kan velge  «Performancel» som er trening i sceneopptreden og oppsetting av små syngespel.  Du som spelar eit instrument kan melde deg på samspel i «Band». Og dansar du t.d. ballett kan du også velge å trene saman med andre dansegrupper som Jazz og HipHop.  Desse tilleggsfaga gir også 25% rabatt på kontingenten.

» Les meir

Fleire nyheiter

Design og nettløsning: Doghouse