Kulturskulen har eit godt samarbeid med korpsa i kommunen, og tar seg av all begynneropplæring på korpsinstrument. Kulturskulen har også eit tilbod til alle 3.klasser i kommunen om *Blås i skulen* som er opplæring på fløyter, klarinett og trompet for heile klassa i skuletida. Her får ein også rytmetrening og litt kjennskap til notar og musikalske begrep. Etter denne opplæringa kan interesserte søke om aspirantopplæring i kulturskulen og seinare opptak i skulekorpset.